Фарғона вилоятининг Қува туманида сайловчи ўз қариндошининг номзодини ноқонуний ташвиқот қилгани аниқланди. Бу ҳақда 22 декабрь куни Марказий сайлов комиссиясининг Халқаро матбуот марказида бўлиб ўтган брифингда ички ишла вазири Пўлат Бобожонов маълум қилди, дея хабар бермоқда «Дарё» мухбири Мусулмонбек Иброҳимов.
«Фарғона вилояти Қува туманида бир сайловчи ўзининг қариндоши — халқ депутатлари туман Кенгашига номзоди кўрсатилган шахсни тарғиб этувчи плакатларни ўз машинасига ёпиштииб, ‘фалончига овоз беринғ деб ноқонуний ташвиқот уюштирган. Бу масала тегишли тартибда расмийлаштирилиб, прокуратура томонидан ўрганиш ишлари олиб борилмоқда. Бу бўйича қўшимча маълумот берилади», — деди вазир.
Пўлат Бобожоновнинг қўшимча қилишича, хавфсизликни таъминлаш таъминлаш мақсадида 53 мингга яқин ҳуқуқ-тарғибот органлари ходимлари ва ҳарбий хизматчилар, жамоатчилик вакиллари жалб қилинган. Барча ҳудудий ички ишлар органлари, Миллий гвардия, фавқулодда вазиятлар ҳизматининг раҳбар ва ходимлари сайлов округлари ва участкаларга тақсимот бўйича бириктирилган.
Шунингдек, 600 дан зиёд йўл-патрул хизматчи ходимлари ҳам ҳам жалб қилингани маълум қилинди.
Изоҳ (0)