Қамчиқ довонидан ўтувчи А-373 «Тошкент—Ўш» автомобиль йўлида қор кўчкиси хавфи мавжуд бўлганлиги боис, 21 декабрь куни автотранспорт воситаларининг ҳаракати вақтинчалик тўхтатилган.
Шу муносабат билан «Ўзбекистон темир йўллари» компанияси томонидан Фарғона водийси ва Тошкент шаҳрига автотранспортда йўлга чиққан йўловчиларни Поп станциясига етказиб қўйиш ҳамда Тошкент шаҳрига олиб келиш учун вақтинчалик қўшимча поезд қатнови йўлга қўйилди.
Хабар беришларича, «Тошкент—Ангрен—Орзу—Поп—Тошкент» йўналишида ҳаракатланаётган поезд 21 декабрь куни соат 11:30 да Тошкент Жанубий вокзалидан жўнатилган.
Изоҳ (0)