Ўзбекистон давлат олий таълим муассасаларига тўлов-контракт асосида талабаликка тавсия этилган, шунингдек, ўқиши кўчирилган ва қайта тикланган талабалар ҳамда хорижий фуқаролар учун контракт пулининг биринчи ярмини тўлаш муддати узайтирилди. Бу ҳақда Олий ва ўрта махсус таълим вазирлиги хабар бермоқда.
Таълим муассасаларига ўқишга қабул қилиш бўйича Давлат комиссиясининг 20 декабрдаги 11-сон баёни билан олий таълим муассасаларининг бакалавриат таълим йўналишларига (кундузги, сиртқи, кечки, махсус сиртқи таълим шакллари) ҳамда магистратура мутахассисликларига тўлов-контракт асосида талабаликка тавсия этилган (шу жумладан, табақалаштирилган тўлов-контракт асосида ўқиш истагини билдирган) абитуриентлар, ўқиши кўчирилган ва қайта тикланган талабалар ҳамда хорижий фуқаролар ўқиши учун тўлов-контракт маблағларининг биринчи ярмини ўтказиш ва уларни талабалар сафига қабул қилишни расмийлаштиришнинг сўнгги муддати этиб 2019 йил 31 декабрь (шу куни ҳам) белгиланди.Олий ва ўрта махсус таълим вазирлиги
Изоҳ (0)