«Олмаота—Тошкент—Термиз» йўлида содир бўлган йўл-транспорт ҳодисаси оқибатида велосипед ҳайдаб кетаётган фуқаро ҳалок бўлди. Бу ҳақда ИИВ ҳузуридаги Тергов департаменти хабар берди.
12 декабрь куни тахминан соат 19:45 ларда 28 ёшли С.М. бошқарувидаги Matiz русумли автомашинасида М-39 йўлининг «Тошкент—Самарқанд» йўналиши бўйича ҳаракатланиб кетаётганида йўлнинг Жомбой туман «Қорамўйин» маҳалласи ҳудудидаги 1061-километрида пиёдалар ўтиш жойидан чапдан ўнг томонга кесиб ўтаётган велосипедчи 50 ёшли Ҳ.Б.ни уриб юбориб, йўл транспорт ҳодисаси содир қилган.
Таъкидланишича, Ҳ.Б. олган тан жароҳатлари оқибатида ҳодиса жойида вафот этган.
Мазкур ҳолат юзасидан Самарқанд вилояти Жомбой туман ИИБ ҳузуридаги тергов бўлими томонидан 12 декабрь куни Жиноят кодексининг 266-моддаси 2-қисми (Одам ўлимига олиб келган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Ҳозирда ушбу жиноят иши бўйича дастлабки тергов ҳаракатлари олиб борилмоқда.
Изоҳ (0)