Қаршидаги боғчада хотинини рашк қилиб у ерда ишловчи эркакни пичоқлаб ўлдирган шахсга жиноий иш қўзғатилди. Бош прокуратура матбуот хизматининг «Дарё»га маълум қилишича, воқеа 18 декабрь куни соат 11:00 ларда содир бўлган.
39 ёшли эркак А.Б. 33 ёшли турмуш ўртоғи М.Қ.ни 51 ёшли ҳамкасби Б.Н.дан рашк қилиб, ошхона пичоғи билан Б.Н.нинг кўкрак қафасининг турли жойларига уриб, бўйнидан кесиб, қасддан ўлдирган.
Турмуш ўртоғини ҳам ўлдирмоқчи бўлганда ҳодиса жойига етиб келган ИИБ ходимлари томонидан тўхтатиб қолинган.
Мазкур ҳолат юзасидан шу куни шаҳар прокуратураси томонидан А.Б.га нисбатан Жиноят кодексининг 97-моддаси 2-қисми «а» банди (Икки ёки ундан ортиқ шахсни қасддан ўлдириш) билан жиноят иши қўзғатилган. Ушбу моддада 15 йилдан 25 йилгача озодликдан маҳрум қилиш жазоси белгиланган.
Изоҳ (0)