Украина Конституциявий суди президент Владимир Зеленский томонидан таклиф қилинган Олий Раданинг учдан бир қисмини қисқартириш тўғрисидаги қонун лойиҳасини тан олди. Бу ҳақда Конституциявий суднинг сайтида маълум қилди.
Суд фикрига кўра Украина Конституциясининг 76 ва 77-моддаларига киритилган ўзгартириш қонуний ҳисобланади. Украина етакчисининг таклифига кўра мазкур моддаларда халқ депутатларининг сонини 450 дан 300 га тушириш ва сайлов тизимига ўзгартириш киритиш кўзда тутилган. Бундан ташқари, қонун лойиҳасида халқ депутатлари номзодига давлат тилида сўзлашиши шарт бўлган сайлов талаблари киритилиши белгиланган.
Зеленскийнинг ташаббуси Украина Конституциявий суди томонидан маъқулланганидан сўнг Олий Рада қонун лойиҳасига овоз беришга киришиши мумкин. У биринчи ўқишда қабул қилиниши учун 226 тадан кўпроқ овоз тўплаши лозим. Бироқ иккинчи уринишда қабул қилиниши учун 300 тадан ортиқ овоз керак бўлади ва бу Зеленский мухолифат билан келишишга мажбур бўлишини билдиради.
Изоҳ (0)