Дунёдаги энг йирик темирйўл компанияси ҳисобланувчи Германиянинг Deutsche Bahn корпорацияси 16 ёшли швециялик экофаол Грета Тунбергни асоссиз маълумот тарқатганликда айблади, деб хабар берди Meduza.
Бунга Тунбергнинг 15 декабрь, душанба куни БМТнинг Мадридда бўлиб ўтган иқлим ўзгаришларига оид конференциясидан Стокгольмга қайтаётганида эълон қилган твити сабаб бўлди.
«Одамлар билан лиқ тўла поездда Германия бўйлаб саёҳат қиляпман. Ниҳоят уйга қайтяпман!», — деб ёзди Тунберг.
Тунберг Twitter’да Deutsche Bahn баннери илинган вагонда ўтиш йўлагида ўтиргани акс этган суратни эълон қилди.
Traveling on overcrowded trains through Germany. And I’m finally on my way home! pic.twitter.com/ssfLCPsR8o
— Greta Thunberg (@GretaThunberg) December 14, 2019
Deutsche Bahn’нинг муносабатидан сўнг интернет фойдаланувчилари Тунбергни ёлғончилик ва иккиюзламачиликда айблай бошлади.
Тунберг Швейцариянинг Базель шаҳрида поезднинг кечиктирилгани туфайли тўрт соатга яқин вагон полида ўтиришга мажбур бўлгани, биринчи классдаги жойни эса Германиянинг Гёттинген шаҳрида олишга муваффақ бўлганини тушунтирди.
У Deutsche Bahn’ни танқид қилишни истамаганини ёзди. «Бу муаммо эмас. Поездларнинг одам билан лиқ тўлалиги бу жуда яхши белги. Бу ҳолат темирйўлдан фойдаланишга талаб катта эканлигини кўрсатади», — деб ёзди Тунберг.
Изоҳ (0)