Ўзбекистон ички ишлар вазирининг кўрсатмасига асосан 13—15 декабрь кунлари Навоий вилояти ИИБ бошлиғининг биринчи ўринбосари раҳбарлигида «Бошқарув органлари, ҳарбий қисмлар ва муассасаларининг юқори жанговар шайлик даражасига келтириш, ҳамкорликдаги кучга эга тузилмаларнинг бўлинмалари билан ҳамкорликда Хатирчи тумани хавфсизлигини таъминлаш» мавзусида махсус-тактик ўқув машқлари ўтказилди. Бу ҳақда Навоий вилоят ИИБ Ахборот хизмати хабар берди.
Махсус-тактик ўқув машқи 3 босқичда ўтказилиб, биринчи босқичда ўқув машқ қатнашчиларининг юқори жанговар шайлик даражасига келтириш, Хатирчи туман ҳудудида юзага келган фавқулодда вазиятларни ўз вақтида бартараф этиш тартиби текширилди.
Ўқув машқи даврида туман ҳудудига киришга уринган жиноятчиларни тўсиш ва уларни қўлга олиш, туман ҳудудини тўсиқ постлари ёрдамида қуршаб олиш, оммавий тартибсизликларни бартараф этиш, аҳоли яшаш хонадонларнинг бирида ис газининг тарқалиши ва ёнғин чиқиши оқибатида жабрланганларни қутқариш, қўриқланадиган объектларда фавқулодда вазиятлар содир бўлганда мудофаа режасини ҳаракатга келтириш, аҳоли яшаш пункти ҳудудида яширинган қуролланган жиноятчиларни излаб топиш ва уларни қўлга олиш бўйича махсус-тактик ўқув машқлари ўтказилди.
Ўқув машқи даврида Хатирчи туман хавфсизлигини таъминлаш бўйича махсус-тактик ўқув машқлари ҳамкорликдаги кучга эга тузилмалар зиммасига юклатилган вазифаларнинг барчаси бажарилди.
Изоҳ (0)