Тошкент шаҳар ИИББнинг Тошкент тиббиёт академияси ҳудудида (эски ТошМИ) Мовароуннаҳр кўчасидан Абдулла Қодирий кўчасига қайта бурилиш жойини ташкил этиш ташаббусини шаҳар ҳокимияти ҳам қўллаб-қувватлади.
ИИББ матбуот хизматининг хабар беришича, ҳозирги вақтда ушбу масалани камроқ харажат билан ҳал қилиш йўллари кўриб чиқилмоқда. Ҳайдовчилар учун қулайликлардан ташқари, ушбу бурилиш жойи Мовароуннаҳр кўчасининг бурилишдан парк томонга қарийб кўприккача бўлган ҳудудидан фойдаланиш имконини беради.
Ушбу ҳудудда илгари ҳаракат фақат бир томонга — кўприкдан Дархон томон бўлган.
Таъкидланишича, қайта бурилиш жойини ташкил этиш билан боғлиқ ишлар давомида дарахтлар кесилмайди, бутазорлар эса қайта ўтқазилади.
Эслатиб ўтамиз, сентябрь ойида Мовароуннаҳр ва Абдулла Қодирий кўчаларини туташтирувчи йўл қурилиши хабар берилган эди.
Изоҳ (0)