Мажбурий ижро бюроси томонидан томонидан уч йилдан бери алимент бўйича қарзини тўламай юрган фуқародан қарийб 27 миллион сўм ундирилди. Бу ҳақда Мажбурий ижро бюроси «Дарё»га маълум қилди.
Учтепа туманлараро судининг 2012 йил 17 августдаги суд буйруғига асосан, қарздор Ш.М.дан ундирувчи Д.Ю. фойдасига 1/3 қисм миқдорида алимент ундириш тўғрисидаги ижро ҳужжати 2019 йил 30 октябрь куни бўлим ижро иш юритувига келиб тушган.
Ижро ҳаракатлари давомида қарздорнинг алиментдан қарзи 2016 йил ноябрь ойидан 2019 йил декабрь ойига қадар жами 26 844 548 сўмни ташкил этганлиги аниқланган.
Шунингдек, давлат ижрочисининг 9 декабрдаги қарздор жисмоний шахснинг Ўзбекистондан чиқишини вақтинча чеклаш тўғрисидаги қарори бўйича Ш.М.ни республика ҳудудидан чиқиш ҳуқуқи вақтинча чекланган.
9 ноябрь куни қарздор Ш.М.нинг номида Land Rover Range Rover Sport русумли автотранспорт воситаси қидирувда топилиб, давлат ижрочиси томонидан 29 ноябрь куни қарздорнинг автотранспорт воситасига қидирув эълон қилиш тўғрисида қарор қабул қилинган ва 3 декабрь куни ушланиб, холислар иштирокида автотранспорт воситасини хатлаш тўғрисида далолатнома тузилган.
Мажбурий ижро ҳаркатлари давомида қарздор томонидан 26 844 548 сўм алимент қарзини жорий йилнинг 13-декбар куни олиб борилган мажбурий ижро ҳаракатлари давомида ундирилган.
Изоҳ (0)