Москвада ўз онасига пичоқ билан ҳужум қилиб, уни жароҳатлаган шахс полиция томонидан отиб ўлдирилди. Бу ҳақда «Интерфакс» хабар бермоқда.
Маълум бўлишича, эркак онаси билан жанжаллашган ва жанжал давомида унга бир неча марта пичоқ урган. Аёл хонадонидан чиқиб, полиция чақиришга улгурган.
Воқеа жойига зудлик билан етиб келган полициячилар хонадонга кирганда жиноятчи эркак қўлидаги тўппонча билан уларга таҳдид қилган. Полиция ходимлари хизмат тўппончаси билан унга ўқ узган ва эркак олган жароҳатидан ҳодиса жойида вафот этган.
Жабрланган аёл касалхонага ётқизилган ва воқеа юзасидан жиноий иш қўзғатилган.
Қайд этилишича, вафот этган эркак психоневрологик диспансерда рўйхатда турган. Дастлабки маълумотларга кўра эркакнинг касали қўзиб қолган ва оқибатда онасини жароҳатлаб, полиция ходимларига ҳужум қилган.
Изоҳ (0)