Қозоғистон президенти Қосим-Жўмарт Тоқаев Олмаота шаҳри номини аввалги ҳолига — Олма-отага қайтариш таклифини қўллаб-қувватлади, деб хабар беради «РИА Новости».
Мазкур таклиф ёзувчи ва жамоатчилик арбоби Ўлжас Сулаймонов томонидан илгари сурилган эди.
«Олма-ота номи анчайин кўламли ва тушунарли. Жарангдор ва тарихий мазмунга эга. Олмаота эса жуда тор доирадаги одамлар учун номланган», — дейди Сулаймонов.
Ёзувчининг айтишича, у ушбу таклифни Тоқаев билан бўлиб ўтган учрашувда билдирган ва унинг қўллаб-қувватловига сазовор бўлган. Шу билан бирга, Қозоғистон президенти мазкур масалани халқнинг ўзи ҳал этиши лозимлигини қайд этиб ўтган.
Эслатиб ўтамиз, жорий йилнинг март ойида Қозоғистоннинг Остона шаҳри номи Нур-Султонга ўзгартирилган эди. 2014-йида эса Нурсултон Назарбоев Қозоғистоннинг номини ўзгартиришни ҳам таклиф қилган.
Изоҳ (0)