«Келинг ‘Brekzit’ни тугатамиз»: Борис Жонсон – Буюк Британия парламент сайловлари якуни ҳақида
Буюк Британия бош вазири Борис Жонсон ўзи раҳбарлик қилаётган Консерваторлар партиясининг парламент сайловларидаги ғалабасини изоҳлаш чоғида ‘Brekzit’ бўйича ишни якунига етказишни ваъда қилганини эслатди. Бу ҳақда BBC News хабар қилган.
«Парламент Британия халқига ишлаши учун ўзгариши лозим. Келинг ‘Brekzit’га барҳам берамиз. Лекин дўстлар аввалига нонушта қилиб оламиз», – дейди Жонсон.
Сайловларнинг дастлабки натижаларига кўра консерваторлар партияси 650 дан 352 мандат олган, овозларни ҳисоблаш жараёни давом этмоқда.
Борис Жонсон ва Консерваторлар партияси Буюк Британиянинг Евроиттифоқдан тезроқ чиқаришга уринмоқда. Мамлакатда навбатдан ташқари парламент сайловларини ўтказишга Жонсон таклифига кўра аввалги чақириқ ‘Brekzit’ ҳақидаги келишувни рад этганидан кейин қарор қилинган.
