Ички ишлар вазири ўринбосари Азизбек Икромов Олий Мажлис Сенатининг Мудофаа ва хавфсизлик масалалари қўмитаси раиси, сенатор Фаррух Дадахўжаев йўллардаги патрул постлари фаолияти юзасидан танқидий фикрларига муносабат билдирди.
«Бундай субъектив ёндашув Фаррух Дадахўжаев томонидан илгари ҳам, профилактика инспекторларининг хизмат машиналарига бензин қуйиш нонвойларга қолиб кетган, деб билдирган фикрида ҳам кузатилган эди.
Халқ посбони бўла туриб, ҳуқуқбузарлик содир этган ҳар қандай ходим қатъий жавобгарликка тортилади. Бироқ, ҳеч кимнинг ички ишлар органи ходимларини қонунчиликни бузишда асоссиз айблашга ҳақи йўқ.
Мутасадди раҳбарлардан оммавий ахборот воситаларига баёнот беришда аниқ фактларга асосланишларини ва ноўрин ҳамда ҳақоратомуз гаплардан қочишларини талаб қиламан», - дейди Азизбек Икромов.
Шунингдек, «Тўхтамасдан ҳаракатланиш тақиқланган» («Стоп») белгисини ўрнатилиши тартиби Ўзбекистон Республикаси Вазирлар Маҳкамасининг 2015 йил 24- декабрдаги 370-сон қарори билан тасдиқланган «Йўл ҳаракати қоидалари»нинг 1-иловасида аниқ белгилаб қўйилганлигини, ички ишлар органлари эса белгиланган тартибни ижрочиси эканлигини эслатиб ўтмоқчиман, вазирининг ўринбосарининг сўзларини келтирмоқда ИИВ Ахборот хизмати.
13 декабрь куни, Олий Мажлис Сенатининг Мудофаа ва хавфсизлик масалалари қўмитаси раиси, сенатор Фаррух Дадахўжаев йўллардаги патрул постлари фаолияти юзасидан танқидий фикрларини билдириб, катта йўллар бўйидаги патрул постларининг ҳар бири криминалнинг уяси экани, ноқонуний постлар борлиги ҳақида гапирган ва йўл бўйларида «Стоп» тўхташ белгисини қўйишда ноқонуний ҳаракалар кузатилётганини қайд этганди. У Белгини фақат фавқулодда вазиятларда қўйиш лозимлиги, ташкил этиладиган постларда фотоназорат ва кузатув мосламалари бўлиши шартлигини таъкидлаган.
Шунингдек, Қўмита раиси айниқса Фарғона ─ Тошкент оралиғи йўл белгилари ва постларини қатъий назоратга олиш лозимлигини таъкидлади.
Изоҳ (0)