Ichki ishlar vaziri o‘rinbosari Azizbek Ikromov Oliy Majlis Senatining Mudofaa va xavfsizlik masalalari qo‘mitasi raisi, senator Farrux Dadaxo‘jayev yo‘llardagi patrul postlari faoliyati yuzasidan tanqidiy fikrlariga munosabat bildirdi.
“Bunday subyektiv yondashuv Farrux Dadaxo‘jayev tomonidan ilgari ham, profilaktika inspektorlarining xizmat mashinalariga benzin quyish nonvoylarga qolib ketgan, deb bildirgan fikrida ham kuzatilgan edi.
Xalq posboni bo‘la turib, huquqbuzarlik sodir etgan har qanday xodim qat’iy javobgarlikka tortiladi. Biroq, hech kimning ichki ishlar organi xodimlarini qonunchilikni buzishda asossiz ayblashga haqi yo‘q.
Mutasaddi rahbarlardan ommaviy axborot vositalariga bayonot berishda aniq faktlarga asoslanishlarini va noo‘rin hamda haqoratomuz gaplardan qochishlarini talab qilaman”, - deydi Azizbek Ikromov.
Shuningdek, “To‘xtamasdan harakatlanish taqiqlangan” (“Stop”) belgisini o‘rnatilishi tartibi O‘zbekiston Respublikasi Vazirlar Mahkamasining 2015-yil 24- dekabrdagi 370-son qarori bilan tasdiqlangan “Yo‘l harakati qoidalari”ning 1-ilovasida aniq belgilab qo‘yilganligini, ichki ishlar organlari esa belgilangan tartibni ijrochisi ekanligini eslatib o‘tmoqchiman, vazirining o‘rinbosarining so‘zlarini keltirmoqda IIV Axborot xizmati.
13-dekabr kuni, Oliy Majlis Senatining Mudofaa va xavfsizlik masalalari qo‘mitasi raisi, senator Farrux Dadaxo‘jayev yo‘llardagi patrul postlari faoliyati yuzasidan tanqidiy fikrlarini bildirib, katta yo‘llar bo‘yidagi patrul postlarining har biri kriminalning uyasi ekani, noqonuniy postlar borligi haqida gapirgan va yo‘l bo‘ylarida “Stop” to‘xtash belgisini qo‘yishda noqonuniy harakalar kuzatilyotganini qayd etgandi. U Belgini faqat favqulodda vaziyatlarda qo‘yish lozimligi, tashkil etiladigan postlarda fotonazorat va kuzatuv moslamalari bo‘lishi shartligini ta’kidlagan.
Shuningdek, Qo‘mita raisi ayniqsa Farg‘ona ─ Toshkent oralig‘i yo‘l belgilari va postlarini qat’iy nazoratga olish lozimligini ta’kidladi.
Izoh (0)