Дилшодбек Назиров Марказий сайлов комиссияси матбуот хизмати раҳбари этиб тайинланди. Бу ҳақда МСК сайтида маълум қилинган.
Дилшодбек Назиров 1975 йилда туғилган. Олий маълумотли — Тошкент давлат шарқшунослик институтини тамомлаган. Мутахассислиги шарқшунос-филолог, араб тили ва адабиёти ўқитувчиси.
2018 йил январидан бери «Ўзбекистон 24» телеканали хроникал-ҳужжатли фильмлар ва журналистик суриштирувлар студиясининг бош муҳаррири лавозимида ишлаб келмоқда.
Маълумот учун, жорий йил октябрь ойида яна бир тележурналист — Наврўз Ризаев Марказий сайлов комиссияси матбуот хизмати раҳбари этиб тайинланганди.
Изоҳ (0)