Украина бош вазири Алексей Гончарук Донбассни қайта интеграция қилиш сценарийси дипломатик келишувдан иборат эканлигини маълум қилди, деб ёзади «Kommersant.ru».
Асосий сифатида амалга ошириладиган сценарийлардан бири 7 декабрь куни Украина Миллий хавфсизлик ва мудофаа кенгаши йиғилишида қабул қилинди.
«А режаси ушбу можарони тинчликка интилган ҳамда миллий манфаатларни ҳимоя қилган ҳолда дипломатик йўл билан ҳал этишдан иборат.
Миллий манфаатлардан, ҳудудий яхлитликдан, суверенитетдан воз кечиш ҳақида ҳеч қандай гап бўлиши мумкин эмас.
Қрим ва Донбасс бу Украина ҳудуди, у ерда украинлар яшамоқда. Биз эса улар учун, уларнинг уйга қайтиши учун курашамиз», — дейди Гончарук.
Унинг сўзларига кўра, тинчлик жараёни тез бўлмайди ва унга «босқичма-босқич» бориш керак, шунинг учун «Норман» саммити доирасида бўлиб ўтадиган учрашув «аллақачон президент Зеленскийнинг ғалабаси».
Изоҳ (0)