Андижонда ҳаж сафарига юбориш учун 12 минг долларни қўлга киритган фуқарога нисбатан жиноят иши қўзғатилди. Бу ҳақда «Дарё»га Бош прокуратура матбуот хизмати хабар берди.
Департаментнинг Асака туман бўлими томонидан ўтказилган терговга қадар текширувда аниқланишича, А.Т. фуқаро И.М.ни алдаб унинг ишончига кириб, ҳаж сафарига юборишни ваъда қилган. 2019 йилнинг май—июнь ойлари давомида унинг жами 12 минг долларини фирибгарлик йўли билан қўлга киритган ва ўз эҳтиёжлари учун сарфлаб юборган.
Мазкур ҳолат юзасидан А.Т.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Аввалроқ Фарғонада ҳаж ва умрага жўнатишни ваъда қилиб, 10 кишини 300 миллион сўмга туширган фирма раҳбари 8 йилга қамалгани ҳақида хабар берилган эди.
Изоҳ (0)