Ўзбекистон Сенати 24-ялпи мажлиси очилишидаги нутқида Сенат раиси Танзила Норбоева сенаторларга мурожаат қилиб, фаолиятнинг шаффофлиги ва ошкоралиги, халқ ва ОАВ билан кундалик мулоқот давр талаби эканини эслатиб ўтди, дея хабар бермоқда «Дарё» мухбири Мусулмонбек Иброҳимов.
Мавзуга доир:Ўзбекистон Сенати 24-ялпи мажлисда 10 та қонун лойиҳаси муҳокама қилинади, Ўзбекистон Сенати газ ва электр таъминотидаги муаммолар юзасидан ҳукуматдан изоҳ талаб қилади
Энг аввало жамиятимизда қонун устуворлигини таъминлаш, давлат бошқаруви тизимини тубдан такомиллаштириш, ОАВ эркинлини таъминлаш — ислоҳотларимизнинг асосий масалалари эканлигини хаммамиз яхши биламиз. Бу масалаларга эътибор берилмаса, ҳуқуқий давлат сифатида ривожлана олмаймиз, олдинга юра олмаймиз.Мамлакатни янада ривожлантириш биздан янгича ёндашувларни, биринчи навбатда — ҳокимият фаолиятининг шаффофлигини, ошкоралигини талаб қилмоқда. Раҳбарларнинг халқ учун очиқлиги, жамиятимизнинг барча соҳаларида очиқлик — бугунги бугунги кун талаби. Бошқа йўлимиз йўқ ва бунга кўникиб, ишимизни қайта кўриб чиқишимиз керак.
Бугун биз одамлар билан кундалик мулоқот қилиб, уларнинг муаммоларини шунчаки тинглашимиз эмас, балки диққат билан қулоқ тутиб, уларни тезлик билан ҳал қилишимиз керак.
Шу ўринда аҳолини уй-жой билан таъминлаш масаласига бағишлаб ўтказилган селектор мажлисида давлатимиз раҳбари эскича бошқарув усулларидан қатъий воз кечишимиз, демократик ривожланаётган бугунги даврга мос бўлишимиз кераклигига яна бир бора урғу бердилар.
Бизнинг аввалги ёпиқлигимиз, одамлар билан, айниқса ОАВ вакиллари билан мулоқотга чиқмаслигимиз, коррупция ҳолатлари ҳаётимиздан умуман чиқиб кетиши керак. Ўзингиз ўйланг — ҳудудларда амалга оширилаётган бунёдкорлик ишларига биргина қўпол ҳаракатимиз, ножўя гапларимиз билан қанчалик доғ туширишимиз мумкин.
Давлатимиз раҳбари ОАВ ислоҳотлардаги алоҳида ўрни борлигини ҳам тўғри таъкидлаб ўтдилар. Бугун журналистларимиз аҳолини безовта қилаётган муаммоларга барча раҳбарларнинг эътиборини қаратмоқда, улар нафақат муаммоларни қайд этмоқда, уларнинг ечими юзасидан янги, ностандарт ғояларни ҳам таклиф қилмоқда.
Шунинг учун, халқимиз билан, журналистларимиз билан мулоқот қилишни одат қилишимиз, муомала маданиятига, этика қоидаларига қатъий амал қилишимиз зарур. Турли ОАВ, шу жумладан, хорижий ОАВ томонидан билдирилаётган танқидларни тўғри қабул қилиб, очиқлик ва эркин фикр билдирилишини демократик давлатнинг асосий тамойилларидан бири сифатида қабул қилишимиз керак.
Танзила Норбоева, Ўзбекистон Сенати раиси
Мавзуга доир: Шавкат Мирзиёев: Баъзи раҳбарлар матбуотчилар билан мулоқотда оддий муомала маданиятини, маънавиятни унутиб қўймоқда
Шундан сўнг, 18 ноябрга ўтар кечаси «Kun.uz» жамоаси ва ҳоким Жаҳонгир Ортиқхўжаев ўртасида учрашув бўлиб ўтди; «Kun.uz» учрашув якунларига кўра «тушунмовчиликка барҳам берилгани»ни маълум қилди (бу ҳолат жамоатчиликнинг кескин норозилигига сабаб бўлди). 19 ноябрь куниҳоким овози ёзилган аудионинг 14 дақиқалик, 20 ноябрда 17 дақиқалик талқинлари эълон қилинди — уларда ҳоким журналистларга уларни шарманда қилиш ва ўлдиртириб юбориш билан таҳдид қилганидан сўнг: «Мен бундай ифлослик қилмайман», деб айтгани маълум бўлди.
Жаҳонгир Ортиқхўжаевнинг сўзлари нафақат маҳаллий фаоллар, балки халқаро кузатувчилар томонидан ҳам қораланди.
Изоҳ (0)