Гулистон шаҳридаги автомобилларга техник хизмат кўрсатиш устахонасида ёнғин юзага келди, деб хабар берди ФВВ ЁХББ ОАВ билан ҳамкорлик қилиш бўлинмаси.
28 ноябрь куни соат 05:59 да Сирдарё вилояти Гулистон шаҳри «Намуна» маҳалласи Бунёдкор кўчасида жойлашган якка тартибдаги тадбиркор Б.Жумабоевга тегишли автомобилларга техник хизмат кўрсатиш устахонасида ёнғин бўлаётганлиги ҳақида ёнғин-қутқарув хизматига хабар келиб тушган.
Воқеа жойига 2 та ёнғин ўчириш бўлинмалари жалб этилган. Бўлинмалар кўрсатилган манзилга уч дақиқада етиб борган ва ёнғин соат 06:07 да ўраб олиниб, соат 06:34 да тўлиқ бартараф этилган.
Ёнғин ўчирувчиларнинг тезкор ҳаракатлари натижасида ёнғиндан устахона биносининг 100 кв.метр майдони сақлаб қолинган ва қўшни биноларга аланга ўтиб кетиши олди олинган.
Ҳалок бўлган ва тан жароҳати олганлар йўқ. Ёнғин оқибатида устахонанинг ички қисми 30 кв.м майдонда ва ичида бўлган таъмирлашга олиб келинган 3 та енгил автомобиллар: фуқаро Ш.Ю.га тегишли Lacetti, фуқаро Х.М.га тегишли ВАЗ 21-011 ҳамда фуқаро О.Б.га тегишли ВАЗ 2106 русумли автомобиллари тўлиқ ёниб кетган. Ёнғин сабаби ва моддий зарар миқдори аниқланмоқда.
Изоҳ (0)