Бугун,

  • USD 11014.01
  • RUB 191.8
  • EUR 10674.78

Telegram’даги «СизданTelegram» канали орқали 26 ноябрь, сешанба куни Фарғона вилояти Риштон тумани «Ёйилма» маҳалла фуқаролар йиғинида 23 ноябрь куни маҳаллалар ўртасида оммавий муштлашув рўй бергани ҳақида хабар тарқатилган. Фарғона вилояти ИИБ мазкур хабарни рад этди ва ҳолат бўйича маълумот берди.

Маълум қилинишича, ушбу ҳолат юзасидан Фарғона вилояти ИИБ Жиноят-қидирув бўлими ва Риштон тумани ИИБ ходимлари томонидан тезкор суриштирув олиб борилган. Суриштув ишлари давомида Риштон тумани «Ёйилма» маҳалла фуқаролар йиғини раиси Аҳмадали Йигитов мазкур ҳолатга изоҳ бериб, ўша куни «Ёйилма» маҳалла фуқаролар йиғини ҳудудидаги 6 та хонадонда тўй бўлиб ўтганлигини, аммо тўйларда ҳеч қандай жанжал бўлмаганлигини таъкидлади.

Қайд этилишча, раиснинг бу кўрсатмасини МФЙ маъсул котиби Мавлуда Ғопирова, мутахассис Гулсанам Маматова ва профилатика инспектори ёрдамчиси Нурсултон Душабоев ҳам тасдиқлаган.

Тўй маросими ўтказган фуқаролар билан ўтказилган суҳбат ва суриштирувда ҳам шу куни маҳаллада ҳеч қандай жанжал бўлмагани маълум бўлди, дейилади ИИБ хабарида.

Вилоят ИИБ мазкур маълумотлардан келиб чиқиб, Telegram’даги каналда тарқатилган хабарнинг асоссиз эканлигини таъкидлаган. Шунингдек, «Ёйилма» МФЙ таркибида фақат битта Ёйилма қишлоғи мавжудлиги, бошқа ҳеч қандай қўшимча маҳалла ёки қишлоқлар мавжуд эмаслиги қўшимча қилинган.

Ҳозирда юқоридаги хабар юзасидан қўшимча суриштирув ишлари олиб борилмоқда.

Изоҳ
Асосий янгиликлар