27 ноябрь, чоршанба куни электр энергияси билан боғлиқ муаммо туфайли Тошкент метросининг «Ўзбекистон» йўналишидаги «Ғафур Ғулом», «Алишер Навоий» ва «Ўзбекистон» бекатларида ёритиш ускуналарида носозлик кузатилган эди.
«Ҳудудий электр тармоқлари» АЖ матбуот хизмати Тошкент метросидаги электр таъминоти муаммоси сабабларини «Дарё»га маълум қилди.
Маълум бўлишича, бугун соат 10:42 да Шайхонтоҳур туманида жойлашган 35 кВ «Шайхонтоҳур» подстанциядаги юқори кучланишли «Шайхонтоҳур 1» йўналишли кабел тармоғи шикастланиши натижасида қисқа муддатли узилиш бўлган ҳамда шу заҳоти автоматик равишда захирадаги кабел тармоғига уланган. Соат 10:43 да электр энергияси тўла қувват билан узатила бошланган.
Аввалроқ «Тошкент метрополитени» матбуот хизмати ҳолат ҳақида хабар бериб, электр таъминотидаги муаммо бартараф этилганини, бу ҳолат поездлар ҳаракатига таъсир этмаганини маълум қилганди.
Изоҳ (0)