АҚШ президенти Дональд Трамп террорчилар томонидан гаровга олинган одамларнинг озод қилинишидаги иштироки учун Покистон бош вазири Имрон Хонга миннатдорлик изҳор қилди. Бу ҳақда Оқ уй вакили Жадд Дир журналистлар билан суҳбат чоғида маълум қилган, деб ёзмоқда Regnum.
Дирнинг сўзларига кўра, Трамп гаровга олинганларнинг озод қилиниши Афғонистондаги нотинч вазиятни яхшилашга хизмат қилади.
19 ноябрь, сешанба куни «Толибон» ҳаракати гаровга олинган икки нафар асир — америкалик Кевин Кинг ва австралиялик Тимоти Уиксни уч нафар террорчи маҳбусга алмаштирган. Кинг ва Уикс террорчилар асирлигида уч йил яшаган.
Изоҳ (0)