Сурия президентининг амакиси ва яна 13 нафар одам 1980 йилдан бери жиноий гуруҳ тузган ҳолда 600 миллион евродан кўпроқ маблағни ноқонуний ўзлаштирганликда айбланмоқда. Бу ҳақда DW хабар берди.
Испания миллий суди 22 ноябрда Сурия президентининг амакиси, мамлакат собиқ вице-президенти Рифат Асадга нисбатан жиноий иш очилганини эълон қилди.
Айблов яна 13 нафар одамга, жумладан, 82 ёшли Рифат Асаднинг саккизта фарзанди ва икки нафар хотинига ҳам таалуқли.
Тахминларга кўра улар 1980 йилдан бери жиноий гуруҳ сифатида Испания ҳудудидаги Малага вилоятида фаолият олиб борган. Испания суд органларининг маълумотида оиланинг қиймати 695 миллион евро бўлган 507 та объектга эгалик қилгани қайд этилган.
Гуруҳнинг бошқа мамлакатларда, хусусан, Рифат Асаднинг бир нечта кўчмас мулк объектлари бўлган Буюк Биртанияда ҳам турли фирмалар билан ҳамкорлик қилган ва ноқонуний йўл билан пулларни ўзлаштирган.
Boeing 727 самолёти, лукс классга кирувчи зирҳли автомобиллар ва учта кема ҳам Башар Асаднинг амакиси ҳамда унинг оилавий ташкилотининг мулки ҳисобланади.
Суд органларининг тахмин қилишича, ХХ асрнинг 80 йилларида Рифат Асад Сурия давлат ғазнасидан Испанияга 272 миллион евро атрофидаги маблағни олиб чиқиб кетган.
Асаднинг ўзи ушбу кўчмас мулк объектлари эгаси эканлигини Саудия Арабистонидан қилинган ҳайрия ва эҳсонлар ҳисобига харид қилинганлиги билан изоҳлаган.
Энди Испания прокуратураси ушбу жиноий иш юзасидан тергов-суриштирувни бошлайди.
Рифат Асад Сурияни 1983 йилда ўз акаси, Башар Асаднинг отаси Ҳафиз Асад ҳукуматига қарши ҳарбий тўнтаришни амалга ошира олмагани туфайли тарк этган.
Мавзуга доир: Financial Times: Башар Асаднинг қариндошлари «Москва-Сити»дан 19 та кўчмас мулк харид қилган
Изоҳ (0)