Эрон вице-президенти Исхоқ Жаҳонгирий Яқин Шарқ минтақасидаги мамлакатларнинг мамлакатдаги норозилик намойишларида иштирок этгани аниқланса, уларга «қақшатқич зарба» берилишини маълум қилди, деб ёзмоқда «РИА Новости».
Эрон президенти Ҳасан РуҳонийФото: Business Insider
«Агар уларнинг Эрондаги намойишларга алоқадорлиги аниқланса, минтақадаги айрим давлатлари биздан яхшилик кутмасин. Эрон бу каби ҳазиллар ва ғариоддий ҳаракатларга индамай кўниб кетадиган мамлакат эмас», - дея таъкидлаган Жаҳонгирий.
Шунингдек, Эрон вице-президенти мамлакат ички ишларига аралашган ва унга зарар келтиришни истаган давлатларга «қақшатқич зарба» тайёрлаб қўйилганини билдирди.
Эронда аҳолининг норозилик намойишлари 16 ноябрда ҳукуматнинг бензин нархини ошириш ҳақидаги қарорни имзолагани оқибатида бошланган. Эрон полицияси намойишчиларни тарқатиш учун уларга нисбатан ўқотар қуролдан фойдаланган. Норозиликлар туфайли 16 ноябрь куни Эронда интернет ўчириб қўйилди. Вашингтон Эрон ҳукуматининг мамлакатда бошланган норозиликлар туфайли интернетни ўчириб қўйганини кескин қоралади ва намойишчилар томонида эканлигини маълум қилди. Эрон бензин нархи ошгани туфайли моддий зарар кўрган аҳолига кўрилган зарарни қоплаш учун субсидиялар ажратган. Эрон олий етакчиси Али Хоманаий мамлакатда бензин нархининг ошиши сабаб бошланган халқ норозиликларини хориждаги душманларнинг фитнаси деб атаган. Эрон президенти Ҳасан Руҳоний эса ушбу норозилик намойишлари ортида мақсади мамлакат хавфсизлигига таҳдид қилиш бўлган АҚШ ҳамда Исроил турганини тахмин қилган. Кейинчалик Эроннинг 21 та шаҳридаги норозилик намойишларида қурбон бўлганларнинг сони 106 нафарга етгани, Эрондаги норозилик намойишлари вақтида полиция қўлга туширган безорилар ўт қўйилган ҳар бир бино учун 60 АҚШ доллари миқдорида мукофотга эга бўлганини тан олган.
Изоҳ (0)