Ўзбекистон Олий Мажлиси Сенати раиси Танзила Норбоева Қозоғистон парламенти мажлиси спикери Нурлан Нигматулин билан учрашди. Бу ҳақда Олий Мажлиси Сенати матбуот хизмати хабар берди.
Учрашув Мустақил Давлатлар Ҳамдўстлиги Парламентлараро ассамблеясининг Санкт-Петербург шаҳрида ўтказилган 50-ялпи мажлиси доирасида бўлиб ўтди. Суҳбат давомида Ўзбекистон—Қозоғистон парламентлараро ҳамкорлигининг бугунги ҳолати ва уни янада ривожлантириш истиқболлари муҳокама этилди.
Қозоғистон парламенти спикери ҳозирги вақтда ўзбекистонлик мигрантлар манфаатлари йўлидаги ҳужжатни ратификация қилиш бўйича фаол иш олиб борилаётганини маълум қилди.
Томонлар икки мамлакат раҳбарлари келишувларини амалга оширишда парламент иштироки ва кўмагини кучайтириш зарурлигини таъкидлашди. Нурлан Нигматулин Олий Мажлис Сенатининг жорий йил 4—5 ноябрь кунлари амалга оширган ташрифи давомида эришилган келишувларга томонлар риоя қилишини ва уларни ҳар томонлама қўллаб-қувватлашини қайд этиб ўтди.
Изоҳ (0)