Шавкат Мирзиёев фармонига кўра, Мудофаа вазирининг тарбиявий ва мафкуравий ишлар бўйича ўринбосари генерал-майор Азизбек Икрамов бошқа лавозимга тайинланганлиги муносабати билан эгаллаб турган лавозимидан озод этилди. Бу ҳақда «Дарё»га Мудофаа вазирлиги ахборот ва оммавий коммуникациялар департаменти хабар берди.
Генерал-майор Азизбек Икрамов Мудофаа вазирлиги тизимидаги фаолиятини 2017 йилда бошлаган. Бунга қадар Ички ишлар вазирлиги тизимида хизмат қилган.
Азизбек Икрамов ўрнига Мудофаа вазирлиги тоифаланган объектларни қўриқлаш қўшинлари қўмондонлиги қўмондони полковник Ҳамдам Қаршиев Ўзбекистон мудофаа вазирининг тарбиявий ва мафкуравий ишлар бўйича ўринбосари этиб тайинланди.
Шунингдек, Мудофаа вазирлиги Тоифаланган объектларни қўриқлаш қўшинлари қўмондонлиги қўмондони лавозимига полковник Журъат Яқубов тайинланди.
Изоҳ (0)