Бош прокуратура ҳузуридаги Департаментнинг Фарғона вилоят бошқармаси томонидан ДХХ ва ИИБ ходимлари билан ҳамкорликда Қўқон шаҳар, Собир Абдулла МФЙ ҳудудида тезкор тадбир ўтказилди. Бу ҳақда Бош прокуратура матбуот котиби Ҳаёт Шамсутдинов маълум қилди.
Тадбир давомида фуқаро Қ.П.га тегишли автомашиналарда Хитойда ишлаб чиқарилган 6240 қути (55,3 миллион сўмлик) «Британик» номли пиротехника воситалари мавжудлиги, уларни янги йил байрами арафасида қайта сотиш мақсадида олиб келинганлиги аниқланган.
Мавзуга доир: Ўзбекистонга ноқонуний олиб кирилган 100 мингдан ортиқ пиротехника воситалари йўқ қилинди
Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Аввалроқ, Ўзбекистонга ноқонуний олиб кирилган 100 мингдан ортиқ пиротехника воситалари йўқ қилингани ҳақида хабар берилганди.
Изоҳ (0)