Қарши шаҳар электр таъминоти корхонаси ходимлари 17 нафар фуқаронинг электр учун тўлаган пуллари тўловни амалга оширмаган шахслар ҳисобига ўтказиб юборилгани аниқланди. Бу ҳақда «Дарё»га МИБ матбуот хизмати хабар берди.
Маълум бўлишича, Қарши шаҳрида яшовчи фуқаро Ж.Т. ва бошқа яна 17 нафар фуқаролар МИБнинг Қарши шаҳар бўлими бошлиғи номига ариза билан мурожаат қилиб, Қарши шаҳар электр таъминоти корхонаси ходимлари томонидан уларнинг электр ҳисоб рақамларидаги маблағларни бошқа фуқароларнинг электр энергияси тўлови учун асоссиз ўтказиб юборилганлигини маълум қилиб, қонуний чора кўришни сўраган.
Мавзуга доир: Фарғонада электр таъминоти корхонаси бош ҳисобчиси 27 млн сўмни ўзлаштиргани аниқланди
Бунда улар дастурда ишлаш бўйича ўзларига беркитилган логин ва паролдан фойдаланган.
Мазкур ҳолатлар юзасидан бюронинг Қарши шаҳар бўлими томонидан 28 октябрь куни Қарши шаҳар Электр таъминоти корхонаси мансабдор шахсларига Жиноят кодексининг 167-моддаси 2-қисми «г» банди (Мансаб мавқейини суиистеъмол қилиш йўли билан ўзлаштириш ёки растрата йўли билан талон-торож қилиш) билан жиноят иши қўзғатилган.
Изоҳ (0)