20 ноябрь куни Гаагада Халқаро болалар мукофотининг тантанали тақдирлаш маросими ўтказилди. Танлов тарихида илк бор икки нафар ўсмир – швециялик экология фаоли Грета Тунберг ҳамда камерунлик ҳуқуқ ҳимоячиси Дивина Малум олий мукофот соҳибаларига айланди. Бу ҳақда «ТАСС» хабар берди.
Тунберг Атлантика океани орқали АҚШдан Испанияга иқлим ўзгаришларига бағишланган БМТ саммитида иштирок этиш учун катамаранда йўлга чиққани сабабли 2014 йилда Нобел мукофоти лауреати бўлган Кайлаш Сатяртхи қўлидан мукофотни шахсан қабул қила олмади. БМТдаги нутқи сабабли катта шов-шув кўтарган Грета маросим иштирокчиларига видеомурожаат йўллаган.
«Мен учун ушбу мукофотни қўлга киритиш катта шараф. Мукофотда нафақат менинг, балки «Келажак учун жумалар» ҳаракатининг барча аъзоларининг ҳиссаси катта. Қуруқликка етиб борганимда сизларга яна ўз ташаккуримни изҳор қилишга умид билдираман», — дея таъкидлаган Тунберг.
Камерунлик 14 ёшли ҳуқуқ ҳимоячиси Малум эса мукофотни ваҳшиёна жиноятлар, уруш ҳаракатларидан зулм кўрган болалари, умидини йўқотган, ёрдамга муҳтож ва ҳуқуқлари доимий равишда топталаётган тенгдошларига бағишлади.
«Бутун Африка ва Камерунда ўз овозига эга бўлмаган мазлум болаларнинг ягона овози бўлишда давом этишга ваъда бераман», — деган Малум.
«Болалар ҳуқуқлари» фонди ва Халқаро дунё болалари мукофотининг асосчиси Марк Дуллаэрт танловнинг бу йил 15 марта ўтказилганига урғу бериб, халқаро мукофотнинг йилдан йилга нуфузи ортиб бораётгани болаларнинг дунёни ўзгартира олиш кучига эга эканлигининг исботи эканлигини таъкидлаган.
«Сайёрамиз аҳолисининг деярли ярмини 24 ёшдан кичик бўлганлар ташкил этади. Бироқ ушбу қатлам деярли ўз овозига эга эмас. Масалан, нима учун дунёнинг ҳеч бир давлатидаги парламентда 18 ёшли депутат фаолият олиб бормайди? Якунда ушбу қарорнинг ҳозир қабул қилинмагани келажакдаги иқлим ўзгаришларига салбий таъсир кўрсатади. Биз эса болаларни бирлашиш ва муаммолар ҳамда уларнинг ечими ҳаиқда ўз фикрини билдиришга ўргатаяпмиз», — дейди Дуллаэрт.
Мавзуга доир:
- Грета Тунберг Шимолий кенгашнинг 52 минг доллар миқдоридаги мукофотидан воз кечишга қарор қилди
- БМТ бош конференциясида нутқ сўзлаб катта шов-шувга сабаб бўлган қизалоқ Грета Тунберг ким ва у нимага эришмоқчи?
- Иқлим ўзгаришига қарши курашаётган швециялик ўқувчи қиз БМТ саммитига елканли қайиқда келди. Табиатга зарар етказмаслик учун (видео)
14 ёшли Дивина Малум вояга етмаганларнинг жангари гуруҳларга аъзо бўлишига қарши курашувчи «Дунё болалари тинчлик тарафдори» номли ташкилотга асос солган. Ташкилот Камеруннинг 10 та вилоятида ўз ваколатхоналарига эга.
Изоҳ (0)