Термиз шаҳар ҳокимлиги 2019 йилнинг 25 октябрь куни «Маҳалла» телеканалининг «Репортёр» кўрсатуви орқали шаҳардаги чиқиндихоналарда дайдиб юрган итларнинг тобора кўпайиб бораётгани, бунга мутасадди ташкилотлар бефарқ қараётгани ҳақида танқидий лавҳа намойиш этилди. Сурхондарё вилояти ҳокимлиги матбуот хизмати ушбу танқидий лавҳа юзасидан баёнот берди.
Қайд этилишича, Термиз шаҳар Ободонлаштириш бошқармаси қошидаги «Дайди ҳайвонларни ушлаш ва йўқотиш» бўлими томонидан жорий йилнинг ўтган 10 ойи мобайнида 672 та қаровсиз дайди ҳайвонни тутиш ва йўқотиш ишлари олиб борилган.
Ҳозирда шаҳар Давлат санитария эпидемология назорати маркази ҳамда маҳалла фуқаролар йиғинлари билан ҳамкорликда қўшимча ишчи кучларини жалб қилган ҳолда дайди ҳайвонларни ушлаш ва йўқотиш ишларини жадаллаштириш билан боғлиқ чора-тадбирлар белгилаб олинди.
«Дайди ҳайвонларни тезкорлик билан ушлаш мақсадида ҳар бир маҳаллада масъул ходимлар томонидан фуқаролар билан профилактик суҳбатлар ўтказиб келинмоқда. Маҳаллалар ҳудудида дайди ҳайвонлар кузатилганда бўлимнинг +998997168102 рақамли «Ишонч телефони»га мурожаат қилиш имконияти яратилди», — дейилади хабарда.
Аввалроқ Бухорода 10 мингга яқин дайди ва қаровсиз ит, мушук йўқ қилингани ҳақида хабар берилганди.
Мавзуга доир:
- Бухорода 10 мингга яқин дайди ва қаровсиз ит, мушуклар йўқ қилингани маълум бўлди
- Самарқандда бир ҳафтада юзлаб ит ва мушуклар каламуш дори билан заҳарлаб ўлдирилгани хабар қилинди (видео)
- Самарқандда «Шарқ тароналари» арафасида итлар заҳарлаб ўлдирилгани тасдиқланди, бироқ бир маҳаллада 10 та ўлдирилгани рад этилди
- Самарқандда Spark ва Nexia итни босиб ўтишга уринди, ППХ ходими эса тош улоқтирди. Ит 15 кишига ташлангани айтилмоқда (видео)
Изоҳ (0)