Termiz shahar hokimligi 2019-yilning 25-oktabr kuni “Mahalla” telekanalining “Reportyor” ko‘rsatuvi orqali shahardagi chiqindixonalarda daydib yurgan itlarning tobora ko‘payib borayotgani, bunga mutasaddi tashkilotlar befarq qarayotgani haqida tanqidiy lavha namoyish etildi. Surxondaryo viloyati hokimligi matbuot xizmati ushbu tanqidiy lavha yuzasidan bayonot berdi.
Qayd etilishicha, Termiz shahar Obodonlashtirish boshqarmasi qoshidagi “Daydi hayvonlarni ushlash va yo‘qotish” bo‘limi tomonidan joriy yilning o‘tgan 10 oyi mobaynida 672 ta qarovsiz daydi hayvonni tutish va yo‘qotish ishlari olib borilgan.
Hozirda shahar Davlat sanitariya epidemologiya nazorati markazi hamda mahalla fuqarolar yig‘inlari bilan hamkorlikda qo‘shimcha ishchi kuchlarini jalb qilgan holda daydi hayvonlarni ushlash va yo‘qotish ishlarini jadallashtirish bilan bog‘liq chora-tadbirlar belgilab olindi.
“Daydi hayvonlarni tezkorlik bilan ushlash maqsadida har bir mahallada mas’ul xodimlar tomonidan fuqarolar bilan profilaktik suhbatlar o‘tkazib kelinmoqda. Mahallalar hududida daydi hayvonlar kuzatilganda bo‘limning +998997168102 raqamli “Ishonch telefoni”ga murojaat qilish imkoniyati yaratildi”, — deyiladi xabarda.
Avvalroq Buxoroda 10 mingga yaqin daydi va qarovsiz it, mushuk yo‘q qilingani haqida xabar berilgandi.
Mavzuga doir:
- Buxoroda 10 mingga yaqin daydi va qarovsiz it, mushuklar yo‘q qilingani ma’lum bo‘ldi
- Samarqandda bir haftada yuzlab it va mushuklar kalamush dori bilan zaharlab o‘ldirilgani xabar qilindi (video)
- Samarqandda “Sharq taronalari” arafasida itlar zaharlab o‘ldirilgani tasdiqlandi, biroq bir mahallada 10 ta o‘ldirilgani rad etildi
- Samarqandda Spark va Nexia itni bosib o‘tishga urindi, PPX xodimi esa tosh uloqtirdi. It 15 kishiga tashlangani aytilmoqda (video)
Izoh (0)