15 миллиард сўмлик мулкларидан айрилган ва «Дарё» таҳририятига мурожаат қилган самарқандлик тадбиркор Жамшид Шомуродов иши бўйича вилоят прокуратураси расмий баёнот берди.
Баёнотда келтирилишича, Ж.Шомуродов «Гарант қурувчи сервис» МЧЖ томонидан компенсация масаласи ҳал этилмай, унинг розилигисиз Самарқанд шаҳар, Гагарин кўчаси, 128-уй манзилидаги кўп қаватли турар жой биноси бузиб ташлаганлигидан норозилиги ҳақида мурожаат қилган.
Самарқанд шаҳар ҳокимининг 27.11.2016 йилги 1602Қ-сонли «Кўп қаватли турар жой биносини қуришга рухсат бериш тўғрисида»ги қарори билан МЧЖга Самарқанд шаҳар, Гагарин кўчаси, 128-манзилда жойлашган, беш қаватли турар жой биноси мулкдорларини кўчириш эвазига замонавий архитектура лойиҳалари асосида кўп қаватли турар жой биносини қуришга рухсат берилган.
Ж.Шомуродов томонидан 12.05.2017 йилда фуқаролик ишлари бўйича Самарқанд шаҳар судига 27.11.2016 йилги шаҳар ҳокимининг 1602Қ-сонли қарорини ҳақиқий эмас деб топиш ҳақида қилган даъво аризаси суднинг 27.06.2017 йилдаги ҳал қилув қарори билан рад қилинган.
ФИБ Самарқанд вилоят суди апелляция инстанциясининг 07.11.2017 йилдаги ажрими билан мазкур суд қарори ўзгаришсиз қолдирилган.
Шунингдек, 13.10.2017 йилдаги ФИБ Самарқанд шаҳар судининг «Гарант қурувчи сервис» МЧЖ фойдасига Ж.Шомуродовни низоли бинодан чиқариш ҳақида ҳал қилув қарори чиқарилган.
Шунга асосан, Х.Сулайманова номидаги Республика суд-экспертиза маркази Самарқанд вилоятлараро бўлими давлат суд эксперти хулосаси билан Ж.Шомуродовга тегишли бинолар жами 462.564.151 сўмга баҳоланган.
«Гарант қурувчи сервис» МЧЖ томонидан Ж.Шомуродовнинг онасига тегишли бўлган эски бино 2018 йил январь ойида тўлиқ бузилиб, шу бинода яшовчи фуқароларга компенсация тўлаб берилганлиги ҳамда Ж.Шомуродов ва Ф.Шомуродовларга етказилган моддий зарар учун 462 миллион сўмдан ортиқроқ пул маблағи вилоят ИИБ молия бўлимининг депозит ҳисоб рақамига ўтказилган. Ж.Шомуродов бир неча бор огоҳлантирилишига қарамай, ушбу пул маблағларини олишдан бош тортиб келган.
Бундан ташқари, номаълум шахслар Самарқанд шаҳри, Гагарин кўчаси, 128-уйда жойлашган кўп қаватли бинодаги Ж.Шомуродовга тегишли бўлган мулкларни сотиш ва бошқа ҳаракатларни амалга ошириш ваколатини берувчи Россия Федерациясининг нотариуси номидан сохта ишончнома расмийлаштириб, «Гарант қурувчи сервис» МЧЖга тақдим қилинганлиги ҳолати юзасидан Самарқанд шаҳри бўйича ИИО ФМБ ҳузуридаги ТБ томонидан 15.06.2017 йилда ЖКнинг 228-моддаси 2-қисми «б» банди билан жиноят иши қўзғатилиб, тергов ҳаракатлари ўтказилган.
Тергов давомида қалбаки ҳужжатлар Н.С. томонидан тақдим этилганлигини тасдиқловчи далилларга асосан унга нисбатан ЖКнинг 228-моддаси 2-қисми «б» банди ва бошқа моддалар билан айблов эълон қилиниб, жиноят иши айблов хулосаси билан ЖИБ Самарқанд шаҳар судига юборилган.
Жиноят иши судда кўрилиб, суднинг 27.03.2018 йилги ҳукми билан Н.С.нинг айбловидаги қалбаки ҳужжатлар тайёрлашга оид қисми етарли далиллар тўпланмаганлиги асоси билан жиноят ишининг ЖКнинг 228-моддаси 2-қисми «б» банди билан тўпланган тергов ҳужжатлари алоҳида иш юритувга ажратилиб, қўшимча терговга юборилган.
Тергов жараёнида ўғирланганлиги кўрсатилган мулкларнинг бир қисми Ж.Шомурадовнинг ўзининг уйида сақланиб келинаётганлиги, ушбу жиҳозлар унинг ўзи томонидан олиб кетилганлиги аниқланган.
Шунга кўра, «Гарант қурувчи сервис» МЧЖ раҳбарининг ҳаракатларида ўзгани мулкини яширин равишда талон-торож қилиш ва мулкни қасддан нобуд қилиш ёки унга зарар етказиш жиноят аломатлари аниқланмаганлиги сабабли жиноят ишининг ушбу қисми ҳаракатдан тугатилган.
Ўтказилган тергов давомида Россия Федерациясининг нотариуси ишончномани қалбакилаштирилганлиги ҳолати юзасидан бўлган жиноят иши 24.06.2019 йилда ЖПКнинг 84-моддаси 1-қисми 1-бандига кўра (шахсни жавобгарликка тортиш муддати ўтганлиги боис айблилик тўғрисидаги масалани ҳал қилмай туриб жиноят ишини тугатиш) ҳаракатдан тугатилган.
Изоҳ (0)