Футбол бўйича Ўзбекистон терма жамоаси 19 ноябрь, сешанба куни ЖЧ—2022 саралашининг иккинчи босқичи 6-тури доирасида Фаластинга қарши ўйин ўтказиб, 2:0 ҳисобида ғалаба қозонди.
Учрашувдан сўнг Фаластин терма жамоа устози Нуриддин Али журналистлар саволларига жавоб қайтарди, деб хабар беради «Дарё» мухбири.
Мавзуга доир: Вадим Абрамов: «Биз ҳам Бразилия, Парагвай каби терма жамоалар билан ўйнашни хоҳлардик»
Ўзбекистонга қарши ўйин ҳақида— Биринчи навбатда Ўзбекистон терма жамоасини бугунги ғалаба билан табриклайман. Бугун рақиб жамоавий руҳ туфайли ташаббусга эга бўлди ва ғалаба қозонди. Таркибимизда асосий футболчилар жароҳатланганди, афсуски, уларнинг ўринини тўлдирадиган ўйинчилар йўқ эди.
Бугунги баҳснинг ўтган ўйин билан фарқи ҳақида
— Айтганимдек, таркибимизда аввалги ўйинда иштирок этган етакчилар бугун ўйнамади. Бугунги баҳсда улар бизга етишмади. Шунингдек, жамоавий руҳ аввалги ўйинга нисбатан пастроқ бўлди.
Фаластин сўнгги дақиқаларда ўйинни кучайтиргани ҳақида
— Рақиб 2:0 ҳисобида олдинда эди ва бу вазиятда бизнинг олдинга ўтишимиз табиий эди. Кейин ўзгаришларнинг ҳам ўрни бўлди, ярим ҳимоячи ўрнига ҳужум туширдик ва иккита форвард билан ўйнадик. Бу эса олдинги чизиқдаги ўйинимизни кучайтирди. Шунингдек, Ўзбекистон терма жамоаси ўйин темпини туширишга ҳаракат қилди.
Ўзбекистон ва Саудия Арабистони терма жамоалари ўртасидаги фарқ
— Бу икки терма жамоанинг ўйин услуби ҳар хил. Ўзбекистон терма жамоаси асосан қанотлар орқали ҳужум қилади ва узатмаларнинг кўпчилик қисми Элдор Шомуродовга қаратилган. Саудия Арабистони терма жамоаси эса марказ орқали ўйнайди ва қисқа паслар билан ҳаракат қилади. Шогирдларимга ўйиндан аввал Шомуродовдан эҳтиёт бўлишлари ва уни яхшироқ қўриқлашларини айтагандим. Бироқ бу ўйинчини етарлича қўриқлай олмадик.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)