Ўзбекистонда 2019 йилнинг январь—октябрь ойларида ёқилғи маҳсулотлари ишлаб чиқариш ҳажми ўтган йилнинг шу даврига нисбатан камайди. Бу ҳақда Давлат статистика қўмитасида келтирилган маълумотлар гувоҳлик бермоқда.
Қайд этилишича, 2018 йилнинг шу даврида 966,8 минг тонна бензин ишлаб чиқарилган бўлса, 2019 йилда 839,5 минг тонна ишлаб чиқарилган.
Дизель ёқилғисини ишлаб чиқариш ҳажмида ҳам пасайиш кузатилган. 2018 йилда 900,1 минг тонна дизель ишлаб чиқарилган бўлса, 2019 йилда 839,2 минг тонна ишлаб чиқарилган.
Шунингдек, Ўзбекистон 2019 йил январь—октябрь ойларида нефть қазиб олишни 584,1 минг тоннагача қисқартирди. Ўтган йилнинг шу даврида 624,3 минг тонна нефть қазиб олинганди.
Табиий газ қазиб олиш ҳам камайиб, қарийб 49,3 миллиард метр кубни ташкил этди. 2018 йилнинг шу даврида 49,8 миллиард метр куб қазиб олинганди.
Изоҳ (0)