Учкўприк тумани халқ таълими бўлими Facebook’да тумандаги 21-умумий ўрта таълим мактабида ўқувчиларни мактаб дарвозасини ёпиб қўйиб киритмасдан турганлиги тўғрисида олинган видеолавҳа хусусида раддия берди. Бу ҳақда Фарғона вилояти халқ таълими бошқармаси маълум қилди.
Видеолавҳани суратга олган фуқаро Шуҳратжон Чўлпоновнинг тушунтириш беришича, ҳақиқатан ҳам 2019 йил 12 ноябрь куни соат 08:05 дан 08:08 гача 3 дақиқа давомида мактаб директори томонидан дарсларга кеч қолган ўқувчиларни киритмасдан дарвозани беркитиб олганлиги ҳақидаги воқеалар уйдирма эканлиги, мактаб таълим тизими моҳиятини тушунмасдан бундай ишга қўл урганидан афсусда эканлигини фуқаро узр сўраш орқали ифода этди. Учкўприк тумани халқ таълими бўлими келгусида бундай ҳолатларни олдини олиш, мактаб ўқувчиларига шарт-шароитлар яратиб бериш, оила-маҳалла ва мактаб ҳамкорлигини кучайтирилиши маълум қилади.Учкўприк тумани халқ таълими бўлими
«Мен 21-умумтаълим мактаби ҳақида озгина видеога олиб, Telegram’га чиқарган эдим. Мен мактабнинг ички қонун-қоидаларини билмаган эканман... Барчаларингдан узр сўрайман», — дейди Чўлпонов ўз видеомурожаатида.
Изоҳ (0)