«Бавария» футбол клуби президенти Ули Ҳёнесс истеъфога чиқди. Бу ҳақида мюнхенликлар расмий сайтида маълум қилинди.
67 ёшли Ҳёнесс 16 ноябрь, шанба куни бўлиб ўтган йиғилишда президентлик лавозимини тарк этишими маълум қилди. Унинг ўринини Герберт Ҳайнер эгаллайди.
Ҳёнесс 1970 йил 17 ёшида «Бавария» футболчисига айланганди ва клубда 1979 йилгача тўп сурди. Футболчилик фаолиятини якунлагач мюнхенликлар клубининг менежери этиб тайинланди. 27 ёшли Ҳёнесс Бундеслига тарихидаги энг ёш менежерга айланганди.
Ули «Бавария» раҳбариятида 2014 йилга қадар фаолият юритди. Ўша йили уни солиқлардан қочишда айбдор деб топиб, 3,5 йилга озодликдан маҳрум қилишди. 2016 йилнинг февралида Ҳёнесс муддатидан аввал озодликка чиқди ва бир неча ой ўтиб «Бавария» президентлигига сайланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)