Бокс бўйича WBA собиқ чемпиони Руслан Чагаев Санкт-Петербургда бўлиб ўтаётган «Нокаут қироллари» бокс мусобақасида россиялик Фатима Дудиевага мураббийлик қилмоқда.
Шимолий Осетиядан бўлган Дудиева 14 ноябрь, пайшанба куни енгил вазн тоифасида ўтказилган жангда польшалик Доротой Норекни мағлубиятга учратди. Уни мусобақага Руслан Чагаев тайёрлаган.
Маълумот учун, Чагаев профессионал рингда 34 ғалабага эришиб, бир дуранг ва уч мағлубият қайд этган. Ўзбекистонлик собиқ боксчи 2016 йилда ушбу спортдаги фаолиятини якунлаган эди. Чагаев сўнгги жангида австралиялик Лукас Браунга ютқазиб қўйган ва WBA камарини қўлдан бой берганди.
Бироқ кейинчалик Браун допинг тестидан ўта олмаган ва камар Чагаевга қайтарилган. 2016 йилда WBA Русланга камар учун даъвогар Фрес Окендо билан жанг қилиш мажбурятини қўйган, бироқ Чагаев бу талабни бажармаган ва чемпионлик камаридан айрилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)