Боливия собиқ президенти Эво Моралес мамлакатдаги сиёсий инқирозни тинч йўл билан ҳал этишга чақирди ва бунинг учун мамлакатга қайтишга тайёр эканлигини билдирди. Бу ҳақда «ТАСС» хабар бермоқда.
«Агар ўз иштироким билан инқирозни тинч йўл билан ҳал этиш, зўравонликларга чек қўйиш ва кимларнингдир ҳаётини сақлаб қолишга ҳисса қўша олсам, Боливия учун бунга тайёрман,» — дея изоҳ қолдирган Моралес Twitter’даги саҳифасида.
У барчани жамоатчилик ҳаракатлари, фуқаролик ташкилотлари ва сиёсий партиялар иштирок этадиган мулоқотга чақирди.
Маълумот учун, Эво Моралес ҳозирда унга сиёсий бошпана тақдим этган Мексикада бўлиб турибди.
Изоҳ (0)