Гонгконгда давом этаётган норозилик намойишлари сабабли хавфсизликни таъминлаш мақсадида 14 ноябрь куни маҳаллий маориф бюроси қарорига кўра боғча ва мактаблар ёпилади. Бу ҳақда «Интерфакс» хабар берди.
Чоршанбада мактаблар ишлаган. Хитой университетидан 80 га яқин қитъада жойлашган ҳудуддан келган талабалар эвакуация қилинди. Олийгоҳ жойлашган ерда норозилик билдираётган фуқаролар чодирлар тикиб лагер тузган, ушбу масканга уларни қўллаб-қувватлаётган халқ вакиллари егуликлар олиб келмоқда. Намойишчилар университетдаги ошхоналардан бирини лагердагиларга овқат тайёрлаш учун эгаллаб олган.
Чоршанба тонгида лагердаги икки нафар фаолни ноқонуний равишда йиғилишлар ўтказиб, намойиш ташкил этгани учун ҳибсга олинган.
Гонгконгда транспорт фаолияти бузилгани оқибатида банкларнинг 250 та бўлинмаси ҳам фаолиятини вақтинча тўхтатди. Хусусан, HSBC, Standard Chartered Bank va Bank of China (Hong Kong) банкларининг филиаллари ёпилди.
Police clearing items off Des Voeux Road Central outside Alexandra House in Central
— SCMP Hong Kong (@SCMPHongKong) November 13, 2019
Video: SCMP/Stanley Shin pic.twitter.com/FdNd7HfDB7
Намойиш ўтказаётганлар полиция ҳаракатини секинлаштириш учун йўлларга узун бамбук поялари билан тўсиқлар қўймоқда. Бамбук ходалари икки ғишт устига кўндаланг жойлаштирилиб, бир неч ўн метр масофага тахлаб чиқилмоқда. Қўзғалончилар душанбадан бери янги усул қўлламоқда: мессенжерлар орқали кичик гуруҳларга бўлиниб блокланадиган жой ва кўча номини аниқлаштириб, ўша ерда йўлларни ёпмоқда.
Around 10 black-clad protesters are building layers of roadblocks using bricks, bamboo, and rope on Does Voeux Road in Central.
— SCMP Hong Kong (@SCMPHongKong) November 13, 2019
Video: SCMP/Karen Zhang pic.twitter.com/FuKudxqOOo
Университетга яқин темирйўл бекати вайрон бўлган, қўшни автовокзал ҳам бўм-бўш, кампус ҳудуди чиқиндига айланган соябон бўлаклари, бамбук ёғочлари ва бошқа аҳлат билан қопланган. Шаҳарда бошқа темирйўл бекатлари ҳам ёпилган, автомобиль трассалари ва поезд рельслари ҳам блоклаб ташланган.
Охирги кунларда Гонгконгдаги вазият анча кескинлашган. Норозилик билдираётганлар 160 дан ортиқ светофорларни синдирган, автомобиль йўлларига шикаст етказган. 11 ноябрь куни полиция намойишчиларга нисбатан ўқотар қуролдан фойдаланди, сешанбада сув сепувчи мослама ёрдамида уларни тарқатишга уринди. 13 ноябрда Пекин ҳукумати Гонгконгда тартиб ўрнатиш учун полицияга кескин чоралар қўллаш юзасидан кўрсатма берди.
Изоҳ (0)