Бир қатор интернет нашрлари томонидан Тошкентда 11 ёшли З.Т. йўқолиб қолгани ҳақида хабар берилган. Тошкент шаҳар ИИББ мазкур қизнинг қаерда эканлигини аниқлади.
Хабар берилишича, 12 ноябрь куни соат 18:40 да қизнинг онаси 102 рақамига қўнғироқ қилиб, қизининг йўқолиб қолганини айтган.
Шундан сўнг, Олмазор тумани ИИБ ходимлари қизнинг ота-онасидан оиланинг барча яқинлари, қизнинг дугоналари ва синфдошларининг алоқа рақамларини аниқлаштирган.
Қариндошлар билан олиб борилган суҳбатлар натижасида, З. Т. Фарғона вилояти Қўқон шаҳридаги бобоси ва бувисиникида эканлиги маълум бўлган. Қиз у ерга мустақил равишда таксида борган.
Айни пайтда қиз Қўқон шаҳридаги қариндошлариникида, дейилади ИИББ хабарида.
Изоҳ (0)