Жиззах вилоятида ижтимоий ҳимояга муҳтож аҳоли ва лўлилар учун янги турар жой мавзелари қурилмоқда.
Пахтакор туманидаги «Олтинкўл» ва «Олмазо»р маҳаллаларида 35 гектардан зиёд ер майдони ажратилиб, 3200 нафар фуқаро учун 780 та янги уй бунёд этилди. Ҳозирда ободонлаштириш ишлари якунига етказилмоқда. Янги мавзеларда аёллар бандлигини таъминлаш учун 2 та тикув цехи ҳам қурилди. Айниқса, ҳудуд инфратузилмасини ривожлантиришга алоҳида эътибор қаратилиб, 10 километрдан зиёд автомобиль йўллари, 8 километр электр, 3 километр сув тармоқлари тортилди. Мактаб ва мактабгача таълим ташкилоти қуриб берилди. Бунинг учун давлат томонидан 150 миллиард сўм маблағлар йўналтирилди.
«Ўтган асрнинг 60 йилларида қурилган, ҳозирда турмуш учун яроқсиз ҳолга келиб қолган уйларда яшаб келаётган лўлилар учун замонавий уй-жойларга эга бўлиш, албатта, тарихий воқеа. Чунки шу пайтга қадар уларнинг ҳолидан ҳеч ким хабар олмаганлиги – бор ҳақиқат.
Энди Пахтакор туманида оғир шароитда яшаб келган лўли миллатига мансуб аҳоли ҳам барча фуқароларимиз қатори муносиб турмуш кечиради. Ўз уйи, иш жойига эга бўлади. Уларнинг қай бири билан суҳбат қурманг, Президентнинг бу эътибори ва ғамхўрлигига миннатдорлик билдириб, ҳаётга бўлган қизиқиши ва ишончи ортиб бораётганлигини таъкидламоқда», — дейилади хабарда.
Изоҳ (0)