Зарафшон шаҳрининг «Мурунтов» посёлкасида истиқомат қилувчи фуқаро саксовул кесгани учун жаримага тортилди. Бу ҳақда Экология ва атроф-муҳитни муҳофаза қилиш давлат қўмитаси матбуот хизмати хабар берди.
Браконьер саксовулларни «КамАЗ» юк машинасида олиб кетаётганда қўмитанинг Навоий вилоят бошқармаси томонидан Зарафшон Ички ишлар бошқармаси билан ҳамкорликда етказилган экологик рейд давомида ушланган.
Қонунбузар 2,2 миллион сўм миқдорида жаримага тортилди. Табиатга етказилган зарар миқдори эса 3,7 миллион сўмни ташкил этган.
Эслатиб ўтамиз, Ўзбекистон Президентининг октябрдаги қарори билан келгуси йил охирига қадар барча турдаги дарахтларни кесишга мораторий эълон қилинган.
Мавзуга доир: Қорақалпоғистонда саксовул ўғирлаган 7 кишининг ҳар бири 7 миллиондан ортиқ жаримага тортилди
Изоҳ (0)