Чехиянинг Простеев шаҳрида юк машинаси йўлдан чиқиб кетиб, автосервисга бориб урилди ва сотувга тайёрлаб қўйилган 27 та автомобилни пачоқлади. Бу ҳақда «Известия» хабар бермоқда.
Полиция матбуот котиби Франтишек Коржинек умумий зарар 8,6 миллион кронни (375 минг доллар) ташкил этганини маълум қилди. Бундан 7 миллион крони автомобиллар, 1 миллион крони юк машинаси ва 600 минг крони автосервис шикастланиши харажатларига тўғри келади.
Полиция 40 яшар ҳайдовчини текшириб кўрди ва алкогол ёки наркотиклар истеъмол қилиниши ҳолатини истисно этди. Авария юзасидан текширув давом этмоқда.
Изоҳ (0)