Тошкентда Ички ишлар вазирлиги академиясига ўқишга киритишни ваъда қилиб, олган пулларини ўз эҳтиёжи йўлида сарфлаб юборган шахс қўлга олинди. Бу ҳақда Тошкент шаҳар ИИББ матбуот хизмати хабар берди.
Бектемир тумани ИИО ФМБга 37 ёшли Шаҳноза исмли аёл мурожаат қилиб, жорий йилнинг май ойи ўрталарида 29 ёшли Муҳаммад исмли эркак унга ўғлини Ўзбекистон Ички ишлар академиясига, қизи ва жиянини мактабга ўқишга киритишни ваъда қилган. Бунинг эвазига у Шахнозадан 1900 АҚШ доллари ва 3,5 миллион сўм олган. Аммо Муҳаммад ваъдасида турмай, пулларни ўз эҳтиёжи учун сарфлаб юборган.
Мазкур факт асосида Жиноят кодексининг 168-моддаси («Фирибгарлик») бўйича жиноят иши қўзғатилди.
Изоҳ (0)