Тошкент давлат иқтисодиёт университети ректори лавозимига Олий ва ўрта махсус таълим вазирининг биринчи ўринбосари Конгратбой Шарипов тайинланди. Бу ҳақда ҳуқуқшунос ва блогер Хушнудбек Худойбердиев хабар берди.
«Конгратбой Шарипов илгари Тошкент шаҳридаги Турин политехника университети ректори сифатида жуда муваффақиятли иш олиб борган ва университетда сифатли таълим тизими яратишда катта меҳнат қилган мутахассис сифатида кўпчиликка маълум», — дейилади хабарда.
Аввалроқ Тошкент давлат иқтисодиёт университети ректори Баҳодир Ходиев ишдан олингани ҳақида хабар берилган эди.
«Бугун, Президент маслаҳатчилари Шерзод Кудбиев ва Абдужаббор Абдувоҳидов ҳамда ДХХ, прокуратура органлари вакиллари бошчилигида ўтказилган йиғилишда олий таълим муассасалари уйғониши зарур эканлиги, бундан буён қабул жараёнидан бошлаб битириш жараёнига қадар очиқлик ва ошкоралик тамойиллари асосий бўлиши, бунга қарши чиққанларга эса қатъий жазо кўрилиши таъкидланди.
Бунинг биринчи исботи сифатида ТДИУ ректори Баҳодир Ходиев лавозимидан озод этилди. Бунинг ортидан ‘Нархоз’да катта тозалаш ишлари ҳам амалга оширилиши таъкидланди», — дейилади хабарда.
Изоҳ (0)