4 ноябрь куни Самарқанд шаҳридаги Қорасув массивидаги янги қурилаётган кўп қаватли уйларда устачилик қилаётган 7 киши ис газидан заҳарланган. Бу ҳақида «Дарё» мухбири хабар берди.
Маълумотларга кўра, Ургут тумани Ўроқбойжар қишлоғида яшовчи усталар ҳозирда Республика шошилинч тез тиббий ёрдам илмий маркази Самарқанд филиалига ётқизилган.
Ҳозирча мазкур заҳарланиш бўйича ҳеч қандай расмий маълумот бергани йўқ.
2 ноябрь куни Самарқандда эр-хотин ис газидан заҳарлангани ҳақида хабар берилган эди.
Самарқанд шаҳар Боёвут кўчасида яшовчи фуқаро Ф.К. яшаш хонадонида ўрнатилган сув иситиш газ «колонка»сидан сизиб чиққан ис газидан заҳарланиб, вафот этган.
Турмуш ўртоғи Д.В. эса ис газидан ўткир заҳарланиш ташхиси билан шифохонага ётқизилган.
Изоҳ (0)