Грециянинг Фуқаролар муҳофазаси бўйича вазири ўринбосари Йоргос Кумуцакос охирги тўрт ой ичида мамлакат ҳудудига 40 минг нафар муҳожир кўчиб келганлигини маълум қилди, деб ёзмоқда «РИА Новости».
Кумуцакос бу масаланинг Грецияда миллий муаммога айланиб бораётганлигини қайд этди.
Сўнгги ойларда Туркия соҳилларидан келувчи мигрантлар ва қочоқлар оқими сезиларли даражада ошган. Грециянинг айрим вилоятларидаги муҳожирлар сони маҳаллий аҳоли сонидан ҳам кўпайиб кетган. Мигрантлар ороллардан мамлакатнинг қитъада жойлашган қисмига кўчирилмоқда. Айрим вилоятларда маҳаллий аҳоли вакиллари ўзлари яшайдиган ҳудудларга муҳожирлар ва қочоқларнинг кўчириб ўтказилишига қарши норозилик намойишлари ҳам ўтказган.
Вазир ўринбосари вилоятларда кузатилган норозиликларга шарҳ бериш чоғида ҳукуматнинг вазифаси мигрантларнинг кўчирилиши ҳақида маҳаллий ҳокимликларни огоҳлантиришдан иборатлигини билдирди.«Маҳаллий аҳолининг бу борада бизни қўллаб-қувватлашини истасак, улар билан ушбу мавзуни тез-тез муҳокама қилиб туришимиз лозим,» — дейди Йоргос Кумуцакос.
Изоҳ (0)