Непал марказий вилоятида рўй берган автоҳалокат — автобуснинг дарёга қулаши оқибатида 15 нафар одам ҳалок бўлган, 50 нафар йўловчи турли тан жароҳатлари олган ва 3 нафар одам бедарак йўқолган. Бу ҳақда «РИА Новости» хабар қилди.
Автоҳалокат 3 ноябрь, якшанба куни содир бўлган. Непал пойтахти Катманду томон ҳаракатланаётган автобус автомобиль йўлидан чиқиб кетган ва Синдхупалчок туманидан оқиб ўтувчи дарёга қулаган.
Мавзуга доир: Покистонда поезднинг ёниб кетиши оқибатида ҳалок бўлганлар сони 62 нафарга етди (видео)
Маҳаллий DD News телеканали маълумотига кўра, ҳалок бўлганлар орасида саккиз нафар аёл ва икки нафар бола бор.
Аввал Саудия Арабистонида ичида зиёратчилар бўлган автобуснинг ёниши оқибатида 36 нафар йўловчининг ҳалок бўлгани хабар қилинган. Кейинчалик Ўзбекистон ТИВ ушбу хабарга муносабат билдириб, Мадинада рўй берган йўл транспорт ҳодисасидан кейин вафот этганлар ва жароҳатланганлар орасида Ўзбекистон фуқаролари борлиги тўғрисида маълумот келиб тушмаганини маълум қилганди.
Изоҳ (0)