Бир сутка ичида 900 нафардан ортиқ қочоқ Сурияга қайтди

Ортда қолган бир сутка вақт давомида 900 нафардан кўпроқ қочоқ хориж давлатлари ҳудудидан Сурияга қайтди. Бу ҳақда «РИА Новости» хабар берди.

«Ортда қолган бир неча сутка ичида Сурия Араб республикасига хориждан жами 933 нафар қочоқ қайтиб келди. Ливандаги «Жейдат-Ябус» ва «Телл-Калах» чегара постлари орқали 157 нафар (47 нафар аёл, 80 нафар бола), Иорданиядан «Насиб» чегара пости орқали 776 нафар (233 нафар аёл, 396 нафар бола) қочоқ мамлакатга қайтган», — дейилади хабарда.

Шунингдек, бир сутка ичида хорижда мунтазам яшаш жойига эга бўлган бир нафар қочоқ ҳам Сурияга қайтган. Ўтган вақт давомида тўртта турар жой, шифохона ва тармоқ электрстанцияси қайта тикланган.

Марказ берган маълумотга кўра, Сурия қуроллик кучлари инженерлик бўлинмалари 2 гектарга яқин майдондаги ҳудудни миналардан тозалаган ва мутахассислар томонидан 36 та портловчи қурилма зарарсизлантирилган.

Суриядаги низо 2011 йилдан буён давом этмоқда. Россия, Туркия ва Эрон мамлакатдаги беқарор вазиятни ўнглашга масъул давлатлар ҳисобланади ва улар — Остона форматидаги музокаралар жараёнидаги асосий уч кафил давлат.

Туркиянинг Сурия ҳудудида ўтказган «Тинчлик булоғи» операцияси ҳақида9 октябрда Анқара Сурия шимоли-шарқида Туркиядаги қочоқлар учун хавфсиз зона ташкил этиш мақсадида курд жангариларига қарши «Тинчлик булоғи» ҳарбий операциясини бошлаган. Дунё мамлакатлари Туркиянинг ушбу ҳарбий ҳаракатларини кескин қоралаган, АҚШ Анқарага нисбатан молиявий санкциялар қўллаган. Германия ва Франция туркларга қурол-яроғ сотишни тўхтатган, кейинчалик Канада ҳам улар сафига қўшилган.

17 октябрда Туркия президенти Ражаб Тоййиб Эрдўғон ҳамда АҚШ вице-президенти Майк Пенс Сурия шимоли-шарқидаги операцияни курдлар хавфсиз зона ҳудудидан чиқиб кетиши учун 120 соатга тўхтатишни келишиб олди. Вашингтон молиявий санкцияларни бекор қилди.22 октябрда Россия президенти Владимир Путин ва Турия давлат раҳбари Ражаб Тоййиб Эрдўғон Сочида Суриядаги вазиятни муҳокама қилди ва «Тинчлик булоғи» операциясини 23 октябрдан яна 150 соатга тўхтатиш ва ўт очмаслик ҳақидаги шартлашув муддати якунига етгач ҳамкорликда Туркия—Сурия чегарасида 30 километрлик ҳудудни барпо этиш учун қўшма патрул тадбирлари ўтказиш ҳақида меморандум имзолади.Пентагон раҳбари Марк Эспер ушбу меморандумдан русларнинг манфаатдор эканлигини билдирган, лекин Туркия Суриядаги вазият бўйича Россия билан эмас, НАТО билан ҳамкорлик қилиши лозимлигини таъкидлаганди.